عيد الوطن له عندنا قدر وإجلال
وحنا بخدمة دارنا ما حيينا
يا دارنا وأنتِ لنا في وظلال
يا أغلى ثرى على ترابه ربينا
نغليك ونحبك من الجال للجال
ولاجلك نحط أعمارنا في يدينا
أنتِ لحال وباقي الكون في حال
وشلون وأنتِ قبلة المسلمينا
فأرقابنا بيعة من أجيال وأجيال
والله ما تفنى دامنا ما فنينا
نبقى على عهد الولاء للوطن وال
ال السعود ملوكنا العادلينا
في ضل سلمان الوفا الشامخ العال
الحاكم اللي تحت حبه نشينا
وولي عهده طيب العم والخال
الصارم المقدام خطل اليمينا
حكامنا الأبطال وأحفاد الأبطال
بالله ثم بهم فالحياة اعتلينا
وقفاتهم وفعولهم مضرب أمثال
وحنا بهم بعد الاله اعتزينا
عيد الوطن له عندنا قدر وإجلال
وحنا بخدمة دارنا ما حيينا
(
(
